എനിക്കറിയാം,
രണ്ടു നദികൾക്കിടയിൽ
നിദ്ര മൂടിയ ദേശത്തു നിന്നാണ്
നീ വരുന്നതെന്ന്.
കണ്ണുകളിലെ ചുവപ്പിന്
സ്വർഗത്തിലെ ശാന്തതയാണെന്ന്.
നിന്റെ കയ്യിലെ കാരക്കപ്പൊതിക്ക്,
പട്ട് മിന്നുന്ന ഉറുമാലിന്,
ഇരുട്ടിൻറെ മണമാണെന്ന്
നിന്റെ ഹൃദയത്തിലേത്
ഖബറിലെ മിടിപ്പാണെന്ന്..
എന്നിട്ടും മരണമേ,
ഞാൻ വരുന്നത്
നിന്റെ പുതപ്പിന്റെ തണുപ്പറിഞ്ഞിട്ടാണ്..
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ